შეხვედრაზე პარტნიორებმა ერთმანეთს გაუზიარეს მათ ქვეყნებში პლატფორმის გავრცელების სტრატეგიები, იმსჯელეს გაწეული სამუშაოს შედეგებზე და სამომავლო გეგმებზე.

 
კინოსაგანმანათლებლო პორტალი "ისტორია-კინო-ისტორია" შექმნილია ევროკავშირის პროგრამა "შემოქმედებითი ევროპის" ფინანსური მხარდაჭერით და ეს არის პირველი შემთხვევა, როდესაც საქართველო პროექტში ჩართულია, როგორც ლიდერი ქვეყანა. ეროვნული კინოცენტრის პარტნიორები არიან: Cineteca Italiana (იტალია), The Film Space (დიდი ბრიტანეთი) და the National Cinèmatheque of Serbia (სერბეთი).

 
კინოსაგანმანათლებლო პორტალი "ისტორია-კინო-ისტორია" ხელმისაწვდომია პროექტის მონაწილე ყველა ქვეყნის სახელმწიფო ენაზე.

პროექტზე მუშაობა დაიწყო 2020 წლიდან. შეიქმნა საგანმანათლებლო მასალები ორი მიმართულებით: მე-20 საუკუნის ევროპის ისტორიის სწავლება კინოს გამოყენებით და კინოს, როგორც ხელოვნების ერთ-ერთი მიმართულების ისტორიის სწავლება.

პრექტის ფინალურ ეტაპზე დაგეგმილია კონფერენციის ჩატარება საქართველოში, რომელსაც პარტნიორი ქვეყნების წარმომადგენლები და კინომიმართულების პროექტების ექსპერტები დაესწრებიან.

პროექტის შესახებ ინფორმაცია შეგიძლიათ იხილოთ აქ.